பிறந்தநாள் கொண்டாட்டங்கள் ஹராம் என்பவர்கள்,
அதனை எந்த வகையான மதிப்பீட்டின் அடிப்படையில் சொல்கின்றார்கள்?
.
1) புதிதாக உருவக்கப்பட்ட நூதனம்-பித்-ஆ என்றா
2) அல்லது இஸ்லாத்தின் ஏதேனும் அடிப்படைகளுடன்
பிறந்தநாள் கொண்டாட்டங்கள் முரண்படுகின்றது என்கிறார்களா
3) அல்லது இது அந்நிய கலாச்சாரம் என்ற வகையில் தடை செய்யப்பட்டது என்று கூற வருகின்றார்களா?
.
இதனை பித்-ஆ என்று வரையறுக்க முனைந்தால்,
வணக்க வழிபாடுகளில் மட்டுமே நூதனங்கள் உருவாக முடியும்.
மாறாக சமூக வாழ்கையில் பித்-ஆக்கள் உருவாகாது என்பதே எமது புரிதலாகும்.
.
அந்நிய கலாச்சாரத்தை நாம் பின்பற்றுவது ஹராம்
என்று பொத்தாம் பொதுவாக எல்லாவற்றையும் சாராம்சமாக
ஒரு சட்டகத்தினுள் அடைத்துவிட முடியாது.
.
மதம் சார்ந்த கலாச்சாரத்துக்கும்,
மதம் சாராத தேசிய காலாச்சாரங்களுக்கும்
இடையிலான வித்தியாசங்களை நாம்
பகுத்துணர்ந்து கொள்ள வேண்டும்.
.
இதுவல்லாமல் பிறந்தநாள் கொண்டாட்டங்கள்
இஸ்லாத்தின் எந்த ஷரிஆ விதிமுறையுடன் மோதுகின்றது
என்பதை தெளிவாக முன்வைத்தல் நாம் இதுபற்றி சிந்திக்கலாம்.
.
----------------------------------------------------------------------------------------------------------------------
பிறந்தநாள் கொண்டாடலாமா?
----------------------------------------------------------------------------------------------------------------------
.
எமக்கு மத்தியில் பேசப்படக்கூடிய நிறைய விடயங்கள் பேசப்பாடமலே இருக்க, எமது கைசேதம் இந்த மாதிரியான தலைப்பிலேயே வருடக்கணக்கில் விவாதித்துக் கொண்டு இருக்கிறோம். சமீப நாட்களாக பல நண்பர்களால் (சில உலமாக்கள் உட்பட) பூதகரமாக காட்டப்படும் ஒரு செயலாக - #பிறந்த_நாள்_கொண்டாட்டம் காணப்படுகிறது.
.
அல்லாஹ்வின் வேதத்தில் தடை செய்யப்பட்ட பல விடயங்களை எம்மவர்கள் சர்வசாதாரணமாக செய்துகொண்டிருக்கையில், பிறந்த நாள் கொண்டாடுவது பித்அத் - நபிவழிக்கு முரண் என பத்வாக்களை வாரி வழங்கிக் கொண்டுடிருக்கின்றனர்.
.
குர்ஆன் ஹதீஸ் ஒளியில் - அல்லாஹ்வின் மார்க்கத்தில் இல்லாத ஒன்றை மார்க்கமாக/நன்மை கருதி செய்வதே - பித்அத் ஆகும். அந்த அடிப்படையில் #மீலாத்விழா கொண்டாடுவது பித்அத் என்பதில் சந்தேகமில்லை. என்றாலும், எவ்வித மார்க்க/நன்மை கருதிய எண்ணமும் இன்றி - சாதாரண மக்களால் சந்தோஷத்திற்காக கொண்டாடப்படும் பிறந்த நாளை பித்அத் எனக் கூறுவதை என்னால் ஒரு போதும் அங்கீகரிக்க முடியாது.
.
இன்னும் பிறந்தநாள் கொண்டாட்டம் மாற்றுமத கலாச்சாரம் இவற்றை நாம் பின்பற்றக் கூடாது எனும் ஓர் கருத்தும் முன்வைக்கப்படுகிறது அதற்கு சான்றாக பின்வரும் ஆதாரங்கள் காட்டப்படுகிறது.
.
4033 - حَدَّثَنَا عُثْمَانُ بْنُ أَبِى شَيْبَةَ حَدَّثَنَا أَبُو النَّضْرِ حَدَّثَنَا عَبْدُ الرَّحْمَنِ بْنُ ثَابِتٍ
حَدَّثَنَا حَسَّانُ بْنُ عَطِيَّةَ عَنْ أَبِى مُنِيبٍ الْجُرَشِىِّ عَنِ ابْنِ عُمَرَ قَالَ قَالَ رَسُولُ اللَّهِ -
صلى الله عليه وسلم- « مَنْ تَشَبَّهَ بِقَوْمٍ فَهُوَ مِنْهُمْ ». - أبوداؤود
.
யார் (மாற்றுக் கொள்கையில் உள்ள) ஒரு கூட்டத்தாருக்கு ஒப்ப நடக்கின்றாரோ அவர் அவர்களையேச் சார்ந்தவர். அறிவிப்பவர் : இப்னு உமர் (ரலி) அவர்கள் நூல் : அபூதாவுத்
.
ஆனால் இவ்வதீஸ் ஆதாரபூர்வமானது கிடையாது - இவ்வதீஸ் அறிவிப்பாளர்களின் ஒருவரான - அப்துர்ரஹ்மான் பின் ஷாபித் பலவீனமாவராவர் இதே அறிவிப்பு - முஸ்னத் பஸ்ஸாரில் 2599 இல் இடம்பெறுகிறது அந்த ஹதீஸை பதிந்த இமாம் பஸ்ஸார் அவர்கள் - இவ்வறிப்பில் இடம் பெறும் அலிபின் குறாபை தவிர ஹிஷாமைத் தொட்டும் (மற்ற அனைவரும்) மவ்கூப்பாகவே அறிவிக்கின்றனர் எனக் கூறுகிறார்.
.
எனினும் புஹாரியில் 3456 இலக்க ஹதீஸ் - பின்வருமாறு இடம் பெறுகிறது, அபூசயீத் அல்குத்ரீ (ரலி) அவர்கள் கூறினார்கள் :
.
உங்களுக்கு முன்னிருந்த (யூதர்கள் மற்றும் கிறிஸ்த)வர்களின்
வழிமுறைகளை நீங்கள் அங்குலம் அங்குலமாக, முழம் முழமாகப்
பின்பற்றுவீர்கள். எந்த அளவிற்கென்றால் அவர்கள் ஓர் உடும்பின் பொந்துக்குள் புகுந்திருந்தால் கூட நீங்கள் அதிலும் புகுவீர்கள்''
என்று நபி (ஸல்) அவர்கள் கூறினார்கள். நாங்கள், ''அல்லாஹ்வின் தூதரே! (நாங்கள் பின்பற்றக் கூடியவர்கள் என்று) யூதர்களையும் கிறிஸ்தவர்களையுமா நீங்கள் குறிப்பிடுகிறீர்கள்?''
என்று நாங்கள் கேட்டோம். அதற்கு நபி (ஸல்) அவர்கள்,
''வேறெவரை?'' என்று பதிலலித்தார்கள். புஹாரி (3456).
.
இவற்றை நாம் எப்படி எடுத்துக் கொள்வது என்பதில் தான் இங்கு பெரும் சர்ச்சை காணப்படுகிறது. நீண்ட நாள் தேடிலின் பின்னர் எனக்கு கிடைக்கப்பெற்ற முடிவு:
இன்று நாம் பாவிக்கும் அதீநவீன கண்டுபிடிப்புக்கள் யாவும் நாம் அணியும் ஆடைவகைகள் உணவுப்பண்டங்கள் பெரும்பாலும் முஸ்லிம்களால் கண்டுபிடிக்கப்பட்டவை கிடையாது.
.
உதாரணமாக எமது பள்ளிகளில் பிரசங்கத்தின் போது மைக் பாவிக்கப்படுகிறது இந்த மைக்கை கண்டுபிடித்தது முஸ்லிம் அல்ல மேலும் ஏனைய மதபிரச்சாரங்களின் போதும் மைக் பயன்படுத்தப்படும் எனவே அவர்களுடைய கலாச்சாரத்தை நாங்கள் பின்பற்றுகிறோம் என நாம் ஒரு போதும் கூறுவதில்லை.
.
கணணி பாவிக்கின்றோம் அதனை கண்டுபிடித்ததும் முஸ்லிம் அல்ல என்றாலும் இது அந்நிய மத கலாச்சாரம் என்று நாம் கூறுவதில்லை அந்நிய மத பண்டிகைகளின் போதும் பலகாரம் செய்து வைப்பார்கள் நாமும் செய்கிறோம் பலகாரம் செய்வது அந்நிய கலாச்சாரம் என நாம் கூறுவதில்லை.
.
இந்த வகையில் எவையெல்லாம் - அந்நியர்களால் செய்யப்பட்டு அவர்களது வழிபாட்டுக் கலாச்சாரத்தை பிரதிபலிக்கவில்லையோ அவற்றை ஹராம் என்று கூறுவது சரியான கருத்தாக அமையாது.
பிறந்த நாள் கொண்டாட்டம் என்பது ஒரு மதத்திற்கே உரிய கலாச்சாரம் கிடையாது ஆகவே பிறந்த நாள் கொண்டாடுவதையும் வாழ்த்து தெரிவிப்பதையும் எவ்வாறு ஹராம்/பித்அத் எனக் கூறுவது..?
.
என்றாலும் - வீண் செலவிருந்தால்அந்தவகையில் அது ஹராமாகும் என்பதில் மாற்றுகருத்து கிடையாது அது பிறந்த நாள் கொண்டாட்டம் மாத்திரமின்றி ஏனைய விருந்துகளுக்கும் பொருந்தும்.
.
எனினும் - அல்லாஹ்வால் சேதனைக்காக அனுப்பட்ட நாம் உலக வஸ்துக்கள் எதுவும் ஏற்றுக் கொள்ளாத பொறுப்பை ஏற்றுள்ள நாம் அல்லாஹ்வின் தீனை நிலைநாட்ட வேண்டிய நாம் எமது பொறுப்பை நிறைவேற்ற அல்லாஹ்வால் தரப்பட்ட காலத்தில் ஒரு வருடம் கழிந்துள்ளது என்று துக்கப்பட வேண்டுமே ஒளிய, பிறந்த நாள் விழாக்கள் கொண்டாடுவது எவ்விதத்திலும் பொருந்தமில்லை என்பது தான் எனது இறுதியான உறுதியான கருத்து.
.
பிறந்தநாள் வாழ்த்து சொல்வதே ஹராம்/பித்அத் என மிதமிஞ்சிய வாதங்களே இதனை எழுதத் துாண்டியது. தவறுகள் இருப்பின் அழகான முறையில் பின்னுாட்டலிடவும் சரியாக இருப்பின் மாற்றிக் கொள்கிறேன் இன்ஷா அல்லாஹ். -அல்லாஹ்வே அறிந்தவன்-
.
- Ifham Mohamed
